【你不知道的 Startup 大小事】每位「毛毛」到底幫「腦細」賺緊幾多錢?

2017/07/27
1051 Views

毛記正式申請主板上市,這個由「一元到億元」的過程絕對是繼譚仔之後的真.香港人故事。 一元當然是指最初由黑紙賣每張一元,到今日公司接近過億的收入,今時今日媒體由零做起到上主板,三位創辦人絕對是人才和同功不可沒。

不過每間 Startup 的人手都有限,怎樣將員工的效率發揮到最大絕對是一門學問。而毛記能有今日的成績,絕對不是單靠三個人完成,背後其實還有一班高效率的「毛毛」(毛記員工)支撐。 有幾高效率?先睇睇招股書。

根據招股書,毛記於 2015, 2016 同 2017 年分別有 29, 52 同 68 名員工,加埋「自由職業僱員」 0, 4 同 5 位,即係三年的員工數目分別係 29, 56 同 73 人。

(港交所文件 p.108)

再睇睇收入,毛記於 2015, 2016 同 2017 年的收入分別是 2,399 萬, 5,483 萬同 9,523 萬。 好,可以計數啦!

(港交所文件 p. 3)

通常計每位員工的產能都會用兩年平均員工數計,因為那一年多了/ 少了的員工理論上會對收入有影響。由於唔知 2014 年毛記有幾多人,2015 年唯有用 29 名員工來計算。

即是說每位毛毛每年為公司帶黎接近 150 萬生意,效率非常高!而毛毛的效率更每年不斷提升,腦細提升毛毛效率確係有一手 (當然,有部分原因係因為每單生意收費不斷上升,但每單生意工作量其實都差唔多,所以效率變相提升左。 )

效率高有兩個層面,一就係毛毛的人工究竟有幾多呢?二就係相對其他媒體的員工,毛毛的效率又高出幾多?

毛毛的人工究竟有幾多呢?

根據傳媒界朋友資料,腦細出手唔高 (可以話偏低),但因為可以同腦細做野,好多時毛毛都唔理咁多,照做!所以普遍人工都係一萬元左右;較資深的可能都會有兩萬。

咁招股書點寫呢?喺 2015, 2016 同 2017 年,人工支出分別係 460 萬, 961 萬同 1,525 萬。又好似上邊咁啦,除返開,每位毛毛的平均年薪有 15.8 萬, 22.6 萬同 23.6 萬,即係平均月薪 HK$13,166, HK$18,883 同 HK$19,667。

咦,腦細有加人工喎!

不過睇清楚一點,呢條數其實包含了董事酬金 (即係林夕一樣有份收)。於 2015, 2016 同 2017 年,毛記董事薪酬就有 160 萬, 250 萬同 390 萬。減返出來,毛毛人工支出分別是 300 萬, 711 萬同 1,135 萬,又好像前面說的一樣,平均來算,每位毛毛 (唔計三位腦細) 的平均年薪有 11.5 萬, 18 萬同 18.5 萬,即係平均月薪 HK$9,615, HK$15,000 同 HK$15,379。

咦,腦細都係有加人工!不過都好正常,HK$9,615 又真係少了一點⋯⋯

即是說,毛毛的產能是他們人工接近 8 倍!絕對不能說笑⋯⋯

毛毛的效率比其他媒體的員工高幾多?

先看看剛打算賣盤壹週刊的壹傳媒,2017 年 3 月有 3,117 名員工,全年收入 17.8 億,即是每位壹傳媒員工為公司帶黎的收入係 57.2 萬,只有毛毛的 40%⋯⋯

再睇下冇咁慘豬的星島集團,2016 年尾,員工有 1,782;而 2015 年尾,員工有 2,108。 2016 年星島集團收入有 16.1 億,平均每位 82.8 萬,亦只有毛毛的 56% ⋯⋯

所以,毛毛的效率相對上,係高好多。

今次毛記如果真的能夠成功上市,一班毛毛實在是大推手之一。希望三位腦細自己袋 6,000 萬股息之餘,都應該獎勵下一班毛毛同舊毛毛,例如一次性花紅佢地,等他們都能感受到那份喜悅。

來源

HisTrend.HK 限時褔利品:USB Type-C 轉接頭 HK$30 四枚
詳情請點擊:http://www.histrend.hk/products/usb-type-c-adapter


Arlo Pro 網絡攝錄鏡頭 - 防水、內置電池、無線
詳情請點擊:http://www.anlander.com
Rhino Shield 最強防撞手機殼、三米防撞、耐衝擊保護
詳情請點擊:https://www.histrend.hk/categories/rhino-shield-case

Leave a Comment

Your email address will not be published.