明明不合理,但你又會覺得合理的事情!

2017/06/13
3235 Views
2 Comments

打風?掛八號?提早放工?好多人一早已經放棄左呢個奢望,慨嘆李氏力場之威力,令打工仔女不論幾大風大雨都要硬著頭皮返工。當大家面對狂風暴雨習以為常嘅時候,其實現實中仲有好多唔合理嘅野。

係香港買野,現金、EPS、八達通及信用卡可以講係俾錢嘅主要選擇。行入茶餐廳食野,埋單找數俾現金;去 7-11 買野想俾錢?八達通呀唔該,一啫俾錢走人;行入 UNIQLO 買衫,俾信用卡一刷搞掂出門口。

不過香港係一個神奇嘅地方,有一種行業買野俾錢會比較麻煩。行入電腦舖買野,揀野問價埋單想俾錢,信用卡?唔好意思,要收手續費喎,你有無現金?或者 EPS?呢個情景,對於成日去電腦舖嘅朋友來講同打風無得放工一樣習以為常,但對於其他人來講真係匪夷所思。

有人話,係呀!信用卡有手續費麻,所以轉嫁番去顧客身上。聽落又好似幾有道理,但點解去旺中買衫、去藥房買日用品、去好少少嘅餐廳食餐飯又唔會轉嫁番去顧客到呢?其實我地又係咪好似習慣左李氏力場一樣,習慣左買電腦野俾信用卡一定要俾手續費呢?

見到中國、外國行 Mobile Payment 咁輕鬆方便,唔少人都係到怨香港行得好慢,但其實落番街,走入應該行得最前嘅電腦舖,竟然仲係連信用卡交易手續費都無法承受嘅時候,我地又點能夠奢望香港嘅 Mobile Payment 可以有進步呢?

或者真係 High Tech High 野、Low Tech 撈野。

[accept_stripe_payment name="支持我們營運" price="10" url="http://example.com/downloads/my-script.zip" button_text="HKD$10 贊助 Android-HK"]

HisTrend.HK 限時褔利品:USB Type-C 轉接頭 HK$30 四枚
詳情請點擊:http://www.histrend.hk/products/usb-type-c-adapter



HisTrend.HK 限時褔利品:RFID Card 防盜保護套
詳情請點擊:https://www.histrend.hk/products/rfid-card-protector



Passworld VPN 翻牆盒
詳情請點擊:https://www.histrend.hk/products/passworld-vpn-box

2 Responses

  1. 唉,小弟很少留言,但真是不吐不快。其實筆者真心覺得唔收信用卡交易費的店,沒有把信用卡公司收的費用轉嫁給消費者? 如是,筆者買電腦就一定要去嗰幾間大電器鋪買,一定唔手續費!

  2. 想統一現金及信用咭收費好簡單,叫腦場價錢全部加返5%,不論現金定信用咭都收呢個價。咁會唔會令你覺得合理啲?

    現家腦場做法,其實同各大連鎖店一樣,有時都可以用現金/唔分期 會平啲咪一樣道理。