數日前，Motorola 在其官方網站更新了旗下產品升級 ICS 的時間表，然而，當中並不包括 Droid 3 (Milestone 3) 以及 Droid X2(Milestone X2)。 Motorola 後來解釋，他們一直以來與 Google 以及網絡營運商緊密合作，並推出最新的軟體更新，務求能夠改善旗下產品， 但是如果新系統不能達到改善的目的，反而弄巧成拙，則不打算提供升級。如此看來，Motorola 應該是暗示 Droid 3 以及 Droid X2 規格並不足以升級 ICS，的確，兩者均只配備 512MB RAM，而時間表中可升級 ICS 的機款均配備 1GB RAM。
不過，諷刺的是，就在 Motorola 時間表更新不久後，XDA Forum 有會員為 Droid X2 發佈基於 ICS 的 CM9 ROM 。雖然仍有不少 BUG 存在， 但已證明在 Droid X2 上運行 ICS 是可行的，究竟 Motorola 是否不打算在手機界立足？
來源：Motorola、DroidLife、XDA Forum
Both comments and pings are currently closed.
其實可行唔代表好用。。可能佢覺得2.3 會快過4.0
就好似NETBOOK都要行WIN7一樣, 始終有些功能要系統升級才能跟上潮流. HTC, SAMSUNG, SE在今季開始低階新機都會行4.0啦
CM9 ROM 有BUG 大家會覺得理所當然，但如果MOTO 出個有BUG的4.0 UPDATE 的話9成9比人插到飛天。
何必寫得咁負面”是否不打算在手機界立足”?
Samsung GS咪一樣無得升? 我改左ICSSGS都行得好順唔比2.3差, 但以原廠黎睇Spec唔夠就唔夠, 畢竟CM9呢D係本身你已經最少係一個power / advance user既前提下寫出黎, 好多野可以無或等user自己搵替代品. 原廠出ROM又點止考慮咁少野
upgdrade出左黎唔好又俾人鬧. 講清楚點解唔出又不打算在手機界立足, 都係用APPLE好, 佢地話乜就乜, 都唔見D user依依哦哦.
完全讚同，唔係會話偏幫MOTO，只係商業始終唔同FANSMADE，要喺利益，用家體驗同好多因素之間平衡。APPLE升級服務係好，但佢哋自己OS，始終唔同講法。筆者第一次寫文，非常唔中立！
其實我原本打呢篇新聞最尾果句係 “究竟Motorola葫蘆裡賣什麼藥?”, 不過經總編修改成”究竟 Motorola 是否不打算在手機界立足？”
所以話呢，唔好幾千蚊買部512MB既電話啦。
點解我睇左engadget咁耐啲筆者都係好有自己筆風同埋主見，但從來都唔見有人批評啲筆者「唔中立」嘅?
今時今日要寫篇咁簡單嘅文都要講中立、俾中立限制住的話我覺得好老土同埋迂腐囉！
engadget筆者有自己立場, 但係唔會去到話人地「不打算在手機界立足」咁偏激。
moto唔為低階裝置正正係為左在手機界立足, 強行升上去行得唔夠順/唔夠穩定影響到用戶體驗只會整臭自己個名, 比唔推出更新更差。
「已證明在 Droid X2 上運行 ICS 是可行的」大佬, CM同原廠rom差好遠係人都知, 而且Google從來冇講過ICS有咩特別硬體要求, 行得到好正常, 問題係在於順唔順, 穩唔穩定, 一個官方只要有少少不穩定都會比人插到死架。
首先，新聞一定要中立！除非android-hk 靜係做評論，評論先可以加入自己立場。如果想喺新聞加入立場就應該表明，例如以筆者所見或筆者認為，XXXXXX。
有好多人靜係想睇新聞唔係評論！
呢到唔係六點半新聞報導，無必要死古古保持中立 full stop
咁奇怪既，之前htc同三星冇update就俾人狂插，依家moto唔update就有人識得諒解？
三星update 遲咗係誠信問題。HTC 唔好講佢，佢入門機反而有4.0 （就好似啱啱新出嗰部咩Q C），舊機但勁過嗰部嘢反而冇。加上依2間嘢成日機海更新唔到舊機就十分抵打。
Hidden due to low comment rating. Click here to see.
睇黎呢度moto死忠太多了……..
鼓勵下LG又唔俾, 真係好惡呀!!
即使大家點樣諒解Moto，作為消息者的我，未來幾年，我都唔會再考慮購買Moto。
利申：Atrix 4G (MB860)
買得呢個 brand 就唔好想要 update, 因為他們的 software support 一向係最屎 !
就算有 update 他們只用拖字訣 !
你唔買moto關我叉事咩
其實我打呢篇新聞最尾果句係 “究竟Motorola葫蘆裡賣什麼藥?”, 不過經總編修改成”究竟 Motorola 是否不打算在手機界立足？”
Guys…問題重點係Moto其實不嬲都多孤兒仔
我部XT720照道理應該上到2.2，連韓版都有2.2就係其它國家冇
我用了android機3年，用過1部三星，2部motorola既機，由1.6開始到升級到2.0，2.1，2.2，2.3，motorola對比其他品牌在升級上都係慢人一步，每當其他品牌既高階手機都升級後，motorola可能只有1-2部高階手機可進行升級，其他高階手機就在等待，motorola在硬件上和外型上，是有很多吸引買家的地方，但在軟件升級，和自家軟件方面就不帶吸引力，我相信moto如果還是只顧著新型手機開法，和硬件提升，最終只會令更多人選擇其他品牌。