昨日，GSMAarena 網站已經拿到了 Galaxy Tab 8.9 測試機，雖然還未正式開始測試，但已經為大家帶來了一則好消息，就是他們證實了 3G 版本跟 Galaxy Tab 7 一樣是具備 GSM 通話功能，不過原生沒有提供撥號介面，用家需自行安裝第三方 App 或者到聯絡人按已儲存的電話撥號。 另外，Galaxy Tab 8.9 同樣對應藍牙耳機當流動電話，或者用內置喇叭當作座枱免提電話。
Both comments and pings are currently closed.
昨日，GSMAarena 網站已經拿到了 Galaxy Tab 8.9 測試機，雖然還未正式開始測試，但已經為大家帶來了一則好消息，就是他們證實了 3G 版本跟 Galaxy Tab 7 一樣是具備 GSM 通話功能，不過原生沒有提供撥號介面，用家需自行安裝第三方 App 或者到聯絡人按已儲存的電話撥號。 另外，Galaxy Tab 8.9 同樣對應藍牙耳機當流動電話，或者用內置喇叭當作座枱免提電話。
Both comments and pings are currently closed.
我想問有幾多買了galaxy tab 7″既人會用來代替電話呢？意思是不會再有電話，只用tablet………….還有samsung有無真係諗過覺得ok先加入功能嫁？7″都話免強接受，8.9吋就真係過大。還有8.9個size其實係幾尷尬…….
期待 7″ …
香港人多數幾部電話啦. 一部普通電話用黎主力通話, 再加7″主力上網+有時打下電話都唔錯架…
好似我依家部 LG 2X 基本上都係只打出電話因為有得sync gmail contact list, 接電話就飛左去另外個號碼unlimited incoming call.
所以我仲係等緊一部 7″ 有打電話+3.0+ tegra 2 既機出黎replace我部 LG 2X 個位
我得一部Galaxy tab 7，代替電話同上網，用SONY MW600藍牙。
所以其待雙核TAB7！
你用藍芽聽歌有冇覺得超LAG 既問題?
您好！轉載了貴站幾篇文檔，已注明出處，希博主不介意，如有不當請回覆。
期待有六寸的產品
我其實一直都期待九吋或十吋可當作電話的平板，這一部是剛剛好的。不過，本週初有 Padfone 後，這一部機就要面對競爭了，不竟 Padfone 比這部機更適合當「平版兼手機」。
我呢家用Galaxy Tab用藍芽冇用電話，覺得呢家可以帶少部電話非常方便。始終有電話功能有多一個選擇，你可以揀用定唔用，但係如果冇電話功能就一定冇得用。
原生沒有提供撥號介面，用家需自行安裝第三方 App <~ 意思係裝tango? 如果唔係tango果類係咪都打到電話架？
其實有電話功能既tab幾好……
一來一張sim卡就可以上網同打電話……
唔駛2張卡/ share wifi一齊嘥電…
二來可以用電話既plan……
我都係得一鄀 tab 加藍牙handfree，好好用呀，好想佢出 galaxy tab 7″ II， 有雙核， 一定會買囉。
唔會再有7″啦…..
google 都適左…. 7″ 唔適合做tablet，所以3.0唔support，而tab 7″ 亦上唔到3.0個basic requirement
至於tab 7″ II …..可能性好低(唔係無既)….一切要睇google…2.3 係電話、3.0/3.1係tablet 已成事實
來緊ice cream sandwich會整合….但估計到時只係 4.3″ / 9″-10″ 之間轉換，7″ 呢D卡啦size….發揮唔到，免強用就只係將4.3″ 放大…. 同而家tab 7″ 一樣而已…
我就一部TAB一部電話, 兩個都打電話, 兩個都上網, 咁有時唔落街食飯帶TAB又大咪用手機囉, 好方便.
其中一個係公司既所以貴啲俾多倍錢都無所謂. 星期六日就只帶TAB. (藍芽當然係必電, 其實好想有隻芽可以接兩個電話, 又可以立體聲聽歌.. 而家用緊土炮浪牙, 貪佢平, 電襟, 雜音又小. 小弟用左好多個BRAND都係一搭地鐵就對方聽唔到我講乜, 成日俾太座鬧!! 所以如果有家有乜好介紹請告知.)
好似有幾部3.0既7寸發表左了！
有電話功能當然好，外國電話費貴香港好多好多，下下開兩三張卡咩，大把人用Gtab打電話，不要做香港井底之蛙。
我亦都係一部tab做晒電話，電腦，戲院，mp3。
一部機搞掂晒果種爽度真係難以形容！
我都好期待7”繼續發展落去。
講真，唔同地方唔同人，都有特定size需要，好似香港咁迫，有幾可拎部10”機出黎用呀。有錢嘅住半山我無野講